Alty el birigip Qara teńiz kúnin atap ótti
ASTANA. QazAqparat - 1996 jyly qara teńiz mańyndaǵy alty el - Bolgarııa, Rýmynııa, Túrkııa, Grýzııa, Reseı, Ýkraına Qara teńizdi ońaltý jáne qorǵaý jónindegi is-árekettiń strategııalyq josparyna qol qoıdy. Búgin sonyń qurmetine Halyqaralyq Qara teńiz kúni atalyp ótildi, dep habarlady «Rosbalt».
Bul jospar teńiz ortasyna jan-jaqty zertteý júrgizgennen keıin ázirlengen. Zertteý barysy onyń ómir súrý qabileti ótken úsh onjyldyqqa qaraǵanda, edáýir nasharlaǵanyn kórsetken.
Aıta keteıik, Qara teńizdiń eń tereń jeri 2210 metr bolsa, batystan shyǵysqa qaraı uzyndyǵy shamamen 1150 shaqyrym. Soltústikten ońtústikke qaraı teńiz 580 shaqyrymǵa jaıylǵan.
Teńizdiń ósimdikter álemi kóp jasýshaly, jasyl, qońyr, qyzyl sý túbindegi baldyrlardyń 270 túrin qamtıdy. Fıtoplankton quramynda - keminde 600 túri bar. Qara teńizde 2500-den astam janýarlar túri meken etedi.
