Alty balanyń anasy «Reseı arýy» atandy
ASTANA. QazAqparat - Sankt-Peterbýrgten alty balanyń anasy Ekaterına Kırmel «Reseı arýy» baıqaýynyń jeńimpazy atandy. Bul týraly Facebooktiń resmı paraǵynda jarııalanǵan.
Mindetti túrde turmystaǵy, kem degende bir balasy bar áıelder arasyndaǵy konkýrsqa 22-43 jas aralyǵyndaǵy 15 úmitker qatysty. Jeńimpaz Ekaterına Kırmel 37 jasta, eki joǵary bilimi bar, bıleıdi, bodıbıldıngpen jáne jeńil atletıkamen aınalysady. Onyń úlken uly 17, kishisi - 12 jasta, qyzdary 10, 9, 6 jáne 4 jastarda.
«Reseı arýy» baıqaýy 1998 jyldan beri ótkizilip keledi. Bıylǵy fınal Máskeýde ótti.
