Alty balany tastap ketken ana tabyldy
TALDYQORǴAN. QazAqparat - Taldyqorǵan qalasynda alty balasyn tastap, iz-tússiz joǵalǵan əıel tabyldy, dep habarlaıdy QazAqparat tilshisi.
Jeltoqsan aıynyń ortasynan beri habar-osharsyz joǵalyp ketken əıel qazir otbasyna oraldy.
Oblystyq ІІD-niń baspasóz qyzmetiniń məlimetinshe, 32 jastaǵy kelinshek osy ýaqytqa deıin Almaty qalasyndaǵy qurylys nysandarynyń birinde jumys istegen. Uıaly telefonyn óshirip, baılanysqa shyqpaǵan əıeldi tərtip saqshylary kóp uzamaı taýyp aldy. Atalǵan əıel mundaı qadamǵa otbasyndaǵy janjaldardyń jıi bolýyna baılanysty barǵanyn aıtyp otyr. Onyń sózinshe kúıeýi kelinshegine jıi qol jumsaıtyn kórinedi.
Esterińizge sala keteıik, Taldyqorǵan qalasynda qart əje alty nemeresine ózi jalǵyz qarap, isher asy, jaǵar otyny qalmaǵandyqtan kópshilikten kómek suraǵan edi. Artynsha jergilikti əkimdik məseleni qolǵa alyp, kómek kórsetti, al polıtseıler habar-osharsyz ketken kelinine izdeý jarııalaǵan bolatyn .
