Alty aıda Teńiz ken ornynan 14,7 mln tonna munaı óndirildi

ATYRAÝ. QazAqparat - «Teńizshevroıl» JShS aǵymdaǵy jyldyń alǵashqy jarty jylynda Atyraý oblysynyń Teńiz ken ornynda óndirilgen munaı men gaz kólemi týraly aqparat taratty, dep habarlaıdy QazAqparat tilshisi.

«2018 jyldyń alǵashqy alty aıynda 14,7 mln tonna (117,3 mln barrel) shıki munaı óndirildi. Osy aralyqta «Teńizshevroıl» 704 myń tonna syǵymdalǵan gaz, 3,9 mlrd tekshe metr qurǵaq gaz, sondaı-aq 1,2 mln tonna kúkirt ótkizdi» dep málim etti kompanııanyń baspasóz qyzmeti.

Eske sala keteıik, 2017 jyldyń alǵashqy jarty jylynda shıki munaı óndirisi 14,59 mln (116 mln barrel) tonnany quraǵan bolatyn. Teńiz jáne Koroldik ken oryndarynan qazylyp alynǵan munaı qory 890 mln tonnadan 1,34 mlrd tonnaǵa (7,1-10,9 mlrd barrel) deıin jetedi.