Alty aıda prokýrorlyq den qoıý aktileri boıynsha bıýdjetke 1,1 mlrd teńge tústi - Astana prokýratýrasy
ASTANA. QazAqparat - Jyl saıyn prokýrorlyq den qoıý aktileriniń nátıjesinde memleket qazynasy 1 mlrd teńgege tolyǵady. Al aǵymdaǵy jyldyń 6 aıynda shamamen 1,1 mlrd teńge óndirilgen. Bul týraly búgin Astana qalalyq prokýratýrasynda ótken brıfıngte Sottarda memleket múddesine ókildik etý jónindegi basqarma basshysy Berik Adamov málim etti.
Onyń aıtýyna qaraǵanda, aǵymdaǵy jyldyń alty aıynda buzýshylyqtardy anyqtaý boıynsha óndiristik atqarýshy organǵa 45 ótinim, 9 uıǵarym, 8 qarsylyq bildirý aktisi túsip, 3 boryshkerler týraly zań normasyna túsindirý jumystary júrgizilgen.
«Esepti kezeńde tártiptik jaýapkershilikke 15 jaýapty tulǵa, ákimshilik jaýapkershilikke - 6 tulǵa tartyldy. Jyl saıyn prokýrorlyq den qoıý aktileri boıynsha memleket bıýdjeti 1 mlrd teńgege tolyǵady. Al ótken 6 aıdyń ishinde shamamen 1.1 mlrd teńge óndirip alyndy», - dep atap ótti Berik Adamov.
Prokýratýra ókiliniń aıtýyna qaraǵanda, jyl basynan beri memleket kirisine jalpy somasy 434 mln. 400 myń teńgeni quraıtyn jyljıtyn jáne jyljymaıtyn 88 nysan berilgen. Sonymen qatar, 340 mln teńge turatyn «Barys» qonaq úı kesheni de memleketke ótip otyr. Málimetterge qaraǵanda, qazirgi tańda ol qonaq úı kesheninde turmystyq zorlyq-zombylyqtan japa shekken áıelderdi ýaqytsha qabyldaý baspanasy qurylǵan.
