Alty aıda elimizdiń farmatsevtıka ónimderi 30 paıyzǵa artty
Onda Farmatsevtıkalyq ónerkásipti damytýdyń 2010-2014 jyldarǵa arnalǵan salalyq baǵdarlamasynyń oryndalý barysy men problemalary talqylandy.
Eske sala ketsek, Memleket basshysy N. Nazarbaev 2014 jyldyń jeltoqsanyna qaraı el turǵyndaryn naqty kórsetkish boıynsha 50 paıyz otandyq dári-dármekpen qamtamasyz etý týraly tapsyrma júktegen bolatyn. Osyǵan oraı, memleket tarapynan jasalǵan qoldaýlardyń arqasynda farmatsevtıka ónerkásibi eleýli qarqynǵa minip otyr.
«Sandyq málimetterge júginsek, 2008-2009 jyldary elimizde 10 mlrd. teńgeniń dárilik zattary shyǵarylyp kelgen bolatyn. Al 2011 jyldyń qorytyndysy boıynsha elimizde 22 mlrd. teńgeniń dári-dármek ónimderi shyǵaryldy. ıAǵnı, sońǵy eki jyldaǵy ósim 2-2,5 esege artty. Al 2012 jyldyń alǵashqy jartysynda shyǵarylǵan dárilik zattar 13,4 mlrd. teńgeni qurady. 2011 jyly esepti kezeńdegi bul kórsetkish 10 mlrd. teńgeni quraǵanyn eskersek, aǵymdaǵy jyldyń ósimi 30 paıyzdy qurap otyr», - deıdi jıyn barysynda sóz sóılegen «Qazaqstan FarmMedIndýstrııa» qaýymdastyǵynyń prezıdenti Serik Sultanov. Onyń aıtýynsha, bunyń ózi qoldanystaǵy jumys istep turǵan kásiporyndardyń esebinen atqarylyp otyr. Sondyqtan da, aldaǵy ýaqytta josparlanǵan qýattar Elbasynyń tapsyrmasyn oryndaýǵa tolyq múmkindik bermek.
