Alty aı ishinde Kóliktegi Ortalyq ishki ister departamentiniń qyzmetkerleri 791 zańsyz mıgrantty ustady
ASTANA. Shildeniń 28-i. QazAqparat /Janna Qorqytova/ - Alty aı ishinde Kóliktegi Ortalyq ishki ister departamentiniń qyzmetkerleri 791 zańsyz mıgrantty ustady, dep habarlandy 2010 jyldyń 1-shi jartyjyldyǵynyń nátıjelerine arnalǵan keńeıtilgen jedel keńeste.
Zańsyz kóshi-qonǵa qarsy kúres bólimsheleriniń qyzmetkerleri atalmysh kezeńde Qazaqstan Respýblıkasynyń jeri aýmaǵynda júrgen zańsyz mıgranttardy anyqtaýǵa baǵyttalǵan birtalaı jedel-izdestirý sharalaryn júrgizdi. Olardyń barysynda KOІІD qyzmetkerleri 791 sheteldik azamatty ustady, olardyń 37-si respýblıka aýmaǵynan shyǵaryldy.
Departament taratqan málimet boıynsha, zańsyz mıgranttardyń kóbi Reseı men Ózbekstannyń azamattary.
Osy alty aılyq mejede zańsyz kóshi-qonǵa qarsy kúres bólimsheleriniń qyzmetkerleri 5 534 jolaýshy poıyzyna ilesip júrdi, onyń ishinde 1740-y memleketaralyq baǵyttardaǵy, al 3794-y respýblıkalyq baǵyttardyń poıyzdary.
