Altsgeımer aýrýynan tabıǵı qorǵanys tabyldy

ASTANA. KAZINFORM — Vashıngton men Kalıfornııa ýnıversıtetiniń halyqaralyq ǵalymdar toby mıdy altsgeımer, parkınson jáne basqa neırodegeneratıvti aýrýlardyń áserinen qorǵanýǵa kómektesetin jańa rıbonýkleın qyshqyly (RNQ) molekýlasyn tapty.

Report agenttiginiń habarlaýynsha, zertteý Molecular Psychiatry jýrnalynda jarııalandy.

— Biz Altsgeımer aýrýy, frontotemporaldy dementsııa jáne basqa patologııalary bar naýqastardyń mıynda deńgeıi kúrt tómendeıtin FAM151B-DT uzaq kodtalmaǵan rıbonýkleın qyshqyly týraly aıtyp otyrmyz, — delingen aqparatta.

Ǵalymdar rıbonýkleın qyshqyly aqýyz tepe-teńdigin retteýge qatysatynyn anyqtady.  Zertteýshiler FAM151B-DT-ny jasandy túrde ajyratqanda jasýshalar ózin-ózi tazartý qabiletin joǵaltqan. ıAǵnı, aýtofagııa (jasýshalar jańarýynyń tabıǵı protsesi) buzylyp, ýly aqýyz shoǵyrlary tezirek jınala bastady. Kerisinshe, rıbonýkleın qyshqyly belsendiligin arttyrý jasýshalyq ózin-ózi tazartý mehanızmderin belsendirip, zaqymdalǵan aqýyzdardyń mólsherin azaıtty.

Aıta keteıik, AQSh pen Eýropanyń ǵalymdary Hantıngton aýrýynyń damýyn 4 ese baıaýlatty.