Altynshy altyn: Natalıa Bogdanova bokstan álem chempıony atandy

ASTANA. KAZINFORM — Anglııanyń Lıverpýl qalasynda World Boxing aıasynda ótip jatqan álem chempıonatynda Natalıa Bogdanova (70 keli) altyn medal aldy. 

Otandasymyz fınalda bas júldeni aýstralııalyq Lekeısha Pergolıtımen sarapqa saldy. 

Jekpe-jek barysynda qazaqstandyq senimdi oıyn kórsetti. Nátıjesinde Natalıa el quramasy qorjynyna altynshy altyn medaldy saldy.

Eske salsaq, budan buryn Mahmud Sabyrhan (55 keli), Sanjar Tashkenbaı (50 keli) jáne Alýa Balqybekova (51 keli), Aıda Ábikeeva (65 keli), Tórehan Sabyrhan (70 keli) álem chempıony atansa, Nazym Qyzaıbaı (48 keli) kúmis júldeger boldy.

Endi keshki sessııada Aıbek Oralbaı (90 keli) altynǵa talasady. 

Dúbirli doda 4-14 qyrkúıek aralyǵynda Anglııanyń Lıverpýl qalasynda ótip jatyr. Jekpe-jekter «Qazaqstan» jáne «Qazsport» telearnalarynan tikeleı efırde kórsetildi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde baq synady. Al 12-13 qyrkúıekte jartylaı fınaldyq, 13-14 qyrkúıekte fınaldyq básekeler ótti.