Altynnyń baǵasy tarıhta alǵash ret bir ýntsııa úshin 4400 dollardan asty

ASTANA. KAZINFORM — Bırjada altynnyń baǵasy tarıhta alǵash ret bir troı ýntsııasy úshin 4400 AQSh dollarynan joǵary deńgeıge jetti. Bul týraly Comex saýda bırjasy habarlady.

18 jeltoqsandaǵy saýda-sattyq barysynda altynnyń aqpan aıyna arnalǵan fıýchersteri bir ýntsııa úshin 4407,7 dollar deńgeıine deıin kóterildi. Osylaısha, jyl basynan beri altynnyń baǵasy 65 paıyzdan astam qymbattaǵan.

Buǵan deıin kúmistiń de baǵasy tarıhı rekordty jańartty. 2026 jyldyń naýryz aıynda jetkiziletin kúmis fıýchersteriniń quny bir troı ýntsııa úshin 67 dollardan asyp tústi. Jyl basynan beri kúmistiń baǵasy 126 paıyzdan astam ósken.

Bıylǵy jyldyń qazan aıynda altyn men kúmistiń baǵasy rekord jańartqan edi.