Altynnyń baǵasy rekordtyq kórsetkishke jetti

ASTANA. KAZINFORM – Comex bırjasynda (Nıý-Iork taýar bırjasynyń bólimshesi) 2025 jyldyń maýsym aıynda jetkiziletin altyn fıýchersteriniń baǵasy óziniń tarıhı maksımýmyn jańartyp, bir troı ýntsııasy úshin $3 250 belgisinen joǵarylady. Bul týraly saýda alańynyń derekterine súıenip otyryp TASS agenttigi jazdy.

Astana ýaqytymen 15:13-tegi jaǵdaı boıynsha baǵaly metaldyń baǵasy 0,44%-ǵa kóterilip, bir troıa ýntsııasy úshin 3 251,9 dollarǵa jetti. Saǵat 15:28-de altyn baǵasy bir ýntsııa úshin 3 248,8 dollarǵa deıin (+0,35%) ósýin báseńdetti.

Bul rette Londonnyń ICE bırjasynda 2025 jyldyń maýsym aıynda jetkiziletin Brent markaly munaı fıýchersteriniń baǵasy barreline 0,8%-ǵa ósip, $63,91- den asyp jyǵyldy. Osy jyldyń mamyr aıynda jetkiziletin WTI markaly munaı fıýchersteriniń baǵasy 1,47%-ǵa ósip, barreline 60,67 dollar boldy. 

Aıta keteıik, Qazaqstan qarjygerleri qaýymdastyǵynyń sarapshysy altyn baǵasynyń ósýine qatysty pikir bildirgen bolatyn.