Altynnyń 1 grammyn qansha teńgege alýǵa bolady
ASTANA. KAZINFORM – Elimizde altynnyń 1 grammy apta ishinde azdap arzandady.
Ulttyq bank deregine sáıkes, qundy metaldyń 1 gramynyń quny 18 maýsymda 68 158,43 teńge boldy. Osylaısha apta ishinde altyn baǵasy 33,82 teńgege arzandady. 11 maýsymda 1 gramm altynnyń quny 68 192,25 teńge bolǵan edi.
Aıta keteıik, Týleın ýnıversıteti ǵalymdary altynnyń nege qaraımaıtynyn jáne ǵasyrlar boıy óziniń jarqyraýyn saqtaıtynyn anyqtaǵan bolatyn.
Buǵan deıin altynnyń qaraımaýy onyń ottegimen álsiz árekettesýine baılanysty dep eseptelip kelgen. Alaıda jańa zertteý metall betindegi atomdardyń ózdiginen qaıta ornalasyp, totyǵý yqtımaldyǵyn kúrt tómendetetin erekshe qorǵanys qabatyn túzetinin kórsetti.
Ǵalymdardyń aıtýynsha, atomdardyń mundaı qaıta qurylýy altynnyń ottegimen reaktsııaǵa túsýin mıllıardtaǵan, tipti trıllıondaǵan ese azaıtady. Dál osy mehanızm altyn buıymdardyń ondaǵan, tipti júzdegen jyl boıy bastapqy qalpyn saqtap turýyna múmkindik beredi.
