«Altynemel» tabıǵı parkinde júrgen ilbiske GPS qurylǵysy ornatyldy

ASTANA. KAZINFORM — «Altynemel» ulttyq tabıǵı parkinde taǵy bir ilbiske GPS qurylǵysy sátti ornatyldy. Aldaǵy ýaqytta qosymsha 2 túz taǵysyna navıgatsııalyq qurylǵy ornatý josparlanyp otyr, dep habarlaıdy Orman sharýashylyǵy jáne janýarlar dúnıesi komıteti.

- Spýtnıktik qondyrǵylar – bul janýarlardyń qozǵalysy týraly málimetti mamandarǵa jiberip, olardyń kóshi-qonyn zertteýge, qaýip-qaterlerdi anyqtaýǵa jáne olardy azaıtý boıynsha usynystar ázirleýge múmkindik beretin arnaıy moıyndyqtar. Bul moıyndyqtar tolyqtaı ekologııalyq ári qaýipsiz, - dep jazdy vedomstvodan.

Biregeı is-shara ulttyq parktiń qyzmetkerleri, Ǵylym komıteti jáne Zoologııa ınstıtýtynyń jetekshi mamandarynyń tyǵyz yntymaqtastyǵy nátıjesinde júzege asyrylýda.

Mamandardyń derekteri boıynsha bıyl belgilengen bul qar barysy – zertteý bastalǵaly tirkelgenderdiń ishindegi eń irisi.

Qazaqstandaǵy ilbisterdi qorǵaý jáne zertteý jumystary jalǵasýda.

Aıta keteıik, Katonqaraǵaıda eki alanyn ertip bara jatqan ilbis fototuzaqqa túsip qaldy.