«Altynalmas» óndiris ornynda konveıer mashınısi qaza tapty
ASTANA. KAZINFORM — «Pýstynnoe» TBK ekinshi saty usaqtaý korpýsynyń konveıer mashınısi qaza boldy.
23 shilde 11:30 shamasynda «Altynalmas AK» AQ óndiristik nysandarynyń biri — «Pýstynnoe» TBK aýmaǵynda jazataıym oqıǵa boldy. «Pýstynnoe» TBK ekinshi saty usaqtaý korpýsynyń konveıer mashınısi qaza boldy.
Oqıǵanyń sebep-saldary men mán-jaıyn ýákiletti organdar anyqtap jatyr.
— Marqumnyń týǵan-týystary men jaqyndaryna, áriptesterine qaıǵyryp kóńil aıtamyz. Kompanııa onyń otbasyna barlyq qajetti kómek pen qoldaý kórsetedi, - delingen habarlamada.
Buǵan qosa, kompanııa oqıǵanyń naqty mán-jaılaryn burmalaıtyn jáne uıymnyń iskerlik bedeline nuqsan keltirýi yqtımal jalǵan nemese tekserilmegen aqparatty taratý Qazaqstan Respýblıkasynyń zańnamasyna sáıkes jaýapkershilikke ákelýi múmkin ekenin eske saldy.
— Tekserilmegen aqparatty taratpaýlaryńyzdy jáne tek ýákiletti memlekettik organdar men kompanııanyń baspasóz qyzmeti usynǵan resmı derekterge ǵana súıenýdi suraımyz, — delingen habarlamada.
Aıta ketelik Pavlodar oblysyndaǵy kásiporynda alty adam qaza tapqan edi.
