«Altynalmas» kompanııasy aımaq oqýshylaryn qoldaý dástúrin jalǵastyryp jatyr
ASTANA. KAZINFORM — «Altynalmas AK» AQ jyl saıyn «Mektepke jol» respýblıkalyq naýqanyna qosylyp, óziniń qyzmet etetin óńirlerindegi otbasylarǵa balalardy oqý jylyna daıyndaýǵa kómektesip keledi.
Bilim kúni qarsańynda altyn óndirýshi kentterdiń baldyrǵandaryna oqý-quraldary salynǵan jıyntyqty syıǵa tartyp keledi.
2025 jyly kompanııamyz Aqmola, Qaraǵandy, Jambyl jáne Pavlodar oblystarynyń segiz eldi mekenindegi balalarǵa 552 tolyq jabdyqtalǵan mektep sómkesin tabystady. Bul syılyqtar kópbalaly jáne áleýmettik osal otbasylardan shyqqan balalarǵa berildi. Ár sómkege jańa oqý jylynda bilim alýǵa qajetti qural-jabdyqtardyń tolyq jıyntyǵy salyndy.
Kópbalaly otbasylar úshin mektepke daıyndyq ońaı sharýa bolmaǵandyqtan «Altynalmas» kompanııasynyń bergen mektep jıyntyqtary eleýli qoldaý boldy. Syılyq alǵan balalar oqý jıyntyǵyndaǵy jańa qalamsaýyttaryn, dápterlerin, boıaýlaryn, basqa da qural-saımandaryn qýana qabyldady. Baldyrǵandardyń kóbine bul mektepke alǵash aparatyn jańa sómkeleri boldy.
— Keıde mektep zattaryn alamyn ba álde maýsymdyq kıim alamyn ba dep sergeldeńge túsemiz, sondaıda mundaı syılyq bizge úlken kómek. Balalarymyz 1 qyrkúıekti asyǵa kútip júr. Olar mektepke jańa, ádemi jáne qajettiniń bári salynǵan sómkemen baramyz dep armandap júr. Altynalmastyń osyndaı qamqorlyǵyna alǵysymyz sheksiz, — deıdi aýyl turǵyndarynyń biri.
«Mektepke jol» naýqany — jaı qaıyrymdylyq shara emes, onyń shaǵyn aýyldar úshin mańyzy zor. Óıtkeni kóp bala tárbıelep otyrǵan ár januıa jańa oqý jylyna daıyndyqtyń qaltany qanshalyqty juqartatynyn bárinen artyq sezedi. Ortaderesin aýylynyń turǵyndary mundaı raqymshylyqqa ózderiniń erekshe rızashylyqtaryn bildirdi.
— Shaǵyn eldi mekenderde mundaı qoldaý erekshe seziledi. Turǵyndar umyt qalmaı, balalar da qoldaý kóredi. Bıznestegi áleýmettik jaýapkershiliktiń úlgisi degenimiz osy, — dep atap ótti Ortaderesin aýyldyq okrýginiń ákimi Seıitqalı Krkrýov.
Kompanııa «Mektepke jol» naýqanyn jyldan jylǵa qoldap keledi. Naýqan basynan Altynalmas qyzmet etetin aımaqtardaǵy júzdegen balaǵa qol úshin berdi. Ol úshin ár balanyń bilim alýǵa múmkindigi teń bolýy óte mańyzdy, óıtkeni bilim — bolashaqqa jol ashatyn esik.
— Balanyń oqýǵa qajetti nársesiniń bári bolsa, ol ózin senimdi sezinedi. Bizder, pedagogter úshin bul óte mańyzdy, sebebi qajettiligi tolyq qamtylǵan bala oqýǵa da qyzyǵa qatysady. Altynalmas kompanııasynyń mundaı tamasha qoldaýy qarqyndy ózgerip jatqan zaman kezinde óte oryndy, — dedi Aqsý kentindegi № 2 jalpy bilim berý mektebiniń dırektory Roza Krylataıa.
«Altynalmas AK» AQ otbasylardy qoldaý kórsetip, óńirlerdi damytýǵa baǵyttalǵan óziniń sharalaryn jalǵastyrady. Bilim berý, mektepke deıingi tárbıe, densaýlyq saqtaý salalarynda áleýmettik jobalar toqtaýsyz júzege asyrylyp jatyr. Kentterdiń ınfraqurylymyn damytýǵa erekshe kóńil bólinýde. Kompanııa úshin bul sharalar korporatıvtik áleýmettik jaýapkershiliktiń bóligi bolyp qoımaı, sonymen qatar — Qazaqstannyń keleshek urpaǵyna degen shynaıy qamqorlyqtyń kórinisi.