Altyn júlde úshin barymyzdy saldyq — Qazaqstan ulttyq quramasynyń bas bapkeri
NAGOıA.KAZINFORM — Baıdarka jáne kanoede eskek esýden Qazaqstan ulttyq quramasynyń bas bapkeri Qaısar Nurmaǵanbetov Kazinform tilshisine shaǵyn suhbat berip, Japonııanyń Aıchı-Nagoıa qalasynda ótip jatqan HH jazǵy Azııa oıyndaryn qortyndylady.
Bas bapkerdiń aıtýynsha, Qazaqstan quramasy osy sport túrinen el qorjynyna alty júlde syılady.
— Biz alty medal enshiledik, olardyń qatarynda bir kúmis jáne alty qola medal bar, — dedi ol.
Nurmaǵanbetov shákirtteri chempıondyqqa bar kúshin salǵanyn aıtty.
— Ár sportshy úshin altyn júldeniń oryny bólek qoı. Biz sol úshin daıyndaldyq, Azııa oıyndaryna arnaıy maqsat qoıyp keldik. Sportshylar chempıondyq úshin kúresti, — dedi bas bapker.
Bas bapker Azııa oıyndarynda básekelestik joǵary bolǵanyn jasyrmady.
— Qytaı, Ózbekstan jáne Ońtústik Koreıa quramalarynyń deńgeıi óte joǵary boldy. Aldaǵy ýaqytta jattyǵýlardy kúsheıtip, jańa belesterdi baǵyndyrýǵa kúsh salamyz, — dedi Nurmaǵanbetov.
Osyǵan deıin habarlaǵanymyzdaı, Stella Sýhanova áıelder arasynda 500 metrge jekeleı synda úshinshi oryn aldy.
Sonymen qatar, Sergeı Emelıanov jáne Rýfına Iskakova Azııa oıyndarynyń qola júldegeri atandy.
Qazaqstan Azıadanyń altynshy jarys kúninde bes qola medal jeńip aldy.
