Altyn urlaǵan transulttyq uıymdasqan toptyń múshesi Ázerbaıjannan ekstradıtsııalandy
Bas prokýratýra men Іshki ister mınıstrliginiń qyzmetkerleri Syrtqy ister mınıstrliginiń kómegimen transulttyq uıymdasqan toptyń qyzmetine qatysqany úshin qylmystyq jaýapkershilikke tartý maqsatynda Ázerbaıjannan Túrkııa azamatyn ekstradıtsııalady.
Ol 2020 jyldyń shildesi men tamyzy aralyǵynda transulttyq uıymdasqan top quramynda Qazaqstannan 24 keliden astam altyndy kontrabandalyq jolmen áketýge qatysqan dep kúdikteledi.
"Osy qyzmettiń nátıjesinde memleketke 633 mıllıon teńgeden astam shyǵyn keltirilgen.
Qylmys jasaǵannan keıin qatysýshylar tergeýden jasyrynyp, halyqaralyq izdeý jarııalanǵan.
2023 jyldyń shildesinde kúdikti Ázerbaıjan aýmaǵynda ustaldy", - dep jazdy Bas prokýratýradan.
Qazirgi ýaqytta ol Astana qalasynyń ýaqytsha ustaý ızolıatoryna qamaldy.
Atalǵan qylmysty jasaǵany úshin múlkin tárkilep, segiz jyldan on eki jylǵa deıingi merzimge bas bostandyǵynan aıyrý jazasy qarastyrylǵan.
Aıta keteıik, 2022 jyldyń maýsymynda Astana qalasynyń soty osy transulttyq uıymdasqan toptyń qyzmetine qatysy bar 14 adamdy túrli jaza túrlerine sottap, olardan memleket paıdasyna 5 mıllıard teńgege jýyq aqsha óndirip alǵan.
