Altyn urlady dep azaptaý oqıǵasy: Sot UQK burynǵy qyzmetkerlerine qatysty jańa sheshim shyǵardy
ASTANA. KAZINFORM – Astanadaǵy QR Áskerı soty Qazaqstannyń Ulttyq qaýipsizdik komıtetiniń burynǵy tórt qyzmetkeriniń appelıatsııalyq shaǵymyn qarady. Sondaı-aq sot otyrysy barysynda jeke qaýly qaraldy.
Aıyptalýshylar Erkin Amanov, Hamıt Ábýǵalı, Qaırat Sartaev jáne Qýandyq Muhtarhanov Aqmola garnızonynyń áskerı sotynda shyǵarylǵan sheshimmen kelispeıtinine shaǵymdanǵan edi. Olar tek buıryqty ǵana oryndaǵan. Al pármen bergen bastyqtar bostandyqta júr.
Esterińizge salsaq, 22 sáýirde sot podpolkovnık Erkin Amanovty 6,5 jylǵa bas bostandyǵynan aıyrǵan bolatyn. Maıor Hamıt Ábdýǵanı men kapıtan Qaırat Sartaev 5 jylǵa bas bostandyǵynan aıyrý jazasy kesildi. Al «Astana» shekaralyq baqylaý basqarmasynyń mamany Qýandyq Muhtarhanov 4 jylǵa bas bostandyǵynan aıyryldy.
Búgin Áskerı sotta Erkin Amanovtyń jazasyn jeńildetý boıynsha sheshim shyǵaryldy. Oǵan 5 jyl bas bostandyǵynan aıyrý jazasy taǵaıyndaldy. Sebebi, ol áreketine shyn ókinip, tipti jábirlenýshi taraptyń týystary da keshirimdi qabyl alǵan bolatyn. Al qalǵan 3 sottalýshynyń jazasy ózgergen joq.
Sot otyrysy barysynda jeke qaýly qaralyp, sot ony qanaǵattandyrdy. Qaýly 2024 jylǵy 4 maýsymnan bastap kúshine endi. Oǵan sáıkes, prokýratýra bul iske qatysty taǵy da tergeý jumystaryn júrgizip, sot protsesinde esimderi atalǵan basshylar jaýapqa tartylýy múmkin.
Osyǵan deıin UQK burynǵy qyzmetkerleri úkimdi jeńildetýdi suraǵanyn jazǵanbyz.
