Altyn Shaǵaeva eresekter arasyndaǵy álem chempıonatynda TOP-5 qatarynan kórindi
ASTANA. KAZINFORM — Búgin Astanada áıelder kúresinen álem chempıonatynyń sońǵy júlde jıyntyǵy sarapqa salynyp jatyr
Qazaq palýany Altyn Shaǵaeva 59 kg deıingi salmaqtyń qola medalin tájirıbeli sportshy Bolortýıa Hýrelhýýmen sarapqa saldy. Tartysty beldesýde 30 jastaǵy mońǵolııalyq bozkilem sheberi otandasymyzdan aılasyn asyrdy.
Eske sala keteıik, Shaǵaeva keshe jarysty 1/8 aınalymnan bastap, túrik sportshysy Bedıha Gúndi jeńgen. Shırek fınalda Polsha ókili Evıta Marııa Vrzezendi aıqyn basymdyqpen utty. Jartylaı fınalda eresekter jáne U23 jas sanatynda Azııa chempıony Manısha Manıshaǵa jol berdi.
Altyn osyǵan deıin U23 jas sanatynda Azııa chempıonatynda kúmis, U23 álem chempıonatynda qola, U20 álem chempıonatynda kúmis júldege ıe bolǵan.
Osylaısha, áıelder kúresinen Qazaqstan komandasy Astanadaǵy álem chempıonatyn bir qola medalmen támamdady. Osyǵan deıin Zeınep Baıanova 50 kg deıingi salmaqta 3-orynnan kóringen.
Aıta ketelik Bolat Saqaev álem chempıonatynda Ispanııa balýanyn jeńgen edi.
