«Altyn Orda» bazarynyń burynǵy basshylaryna halyqaralyq izdeý qaıta jarııalandy
ALMATY. KAZINFORM — Araǵa eki jyl salyp, Almaty mańyndaǵy «Altyn orda» bazarynyń burynǵy basshylyǵyna halyqaralyq izdeý qaıta jarııalandy.
Bul týraly aqparat quqyqtyq statıstıka jáne arnaıy esepke alý organdary portalynda shyqty.
Almabek Qanat pen Danııar Ápdiǵaparovty Almaty oblysy Qarasaı aýdanynyń krımınaldyq polıtsııa bólimi izdep jatyr.
Eske salaıyq, buǵan deıin 2023 jyly Danııar Ápdiǵaparovqa 1982 jyly týǵan, Jumadın Patovqa, 1982 jyly týǵan, Qanat Jaqaevqa, 1984 jyly týǵan, sonymen qatar Aıdos Nurqalıevqa, 1986 jyly týǵan Qylmystyq kodekstiń 190-baby boıynsha halyqaralyq izdeý jarııalanǵan bolatyn.
Budan bólek, Almaty oblysynda «Altyn Orda» bazarynyń burynǵy atqarýshy dırektory Ermek Marqabaev 4 jylǵa sottalǵan bolatyn. Oǵan asa iri mólsherde esirtki, psıhotroptyq zattardy, sol tektesterdi ótkizý maqsatynsyz zańsyz saqtap, tasymaldady degen aıyp taǵyldy.