«Altyn Orda» bazarynyń aqsha aınalymyn qadaǵalaıtyn jańa júıe engiziledi

ASTANA. KAZINFORM — Premer-mınıstrdiń orynbasary — Ulttyq ekonomıka mınıstri Serik Jumanǵarın Májilis depýtattarynyń saýalyna bergen jaýapta bazardaǵy kóleńkeli ekonomıkany qalaı jaryqqa shyǵaratynyn aıtty.

— «Qazaqstan Halyq Banki» saýda núktelerin jalǵa alý shottaryn elektrondy túrde qoıý jáne tóleý, QR arqyly tólemderdi qabyldaý, esep aıyrysý-kassalyq qyzmet kórsetýdi júrgizý, Almaty qalasynyń 6 bazarynda tsıfrlyq kredıtter berý tetikterin engizý boıynsha «Digital Bazar» pılottyq jobasyn iske asyrýda. Búginde 1700-den asa kásipker pılottyq jobanyń qatysýshysy boldy, — delingen jaýapta.

Sondaı-aq, ol jaýabynda «Altyn Orda» bazarynyń keleshegine jeke toqtalǵan.

— «Digital Bazar» pılottyq jobasyn «Altyn Orda» bazaryna engizý josparlanýda. 2024 jylǵy jeltoqsanda mınıstrlik «Altyn Orda» bazarynyń, Halyq Bankiniń ókilderimen birlesip bazardy tsıfrlandyrý máseleleri boıynsha keńes ótkizdi. Odan ári mınıstrlik joǵaryda atalǵan modýldi Halyq Bankiniń derekter bazasymen ıntegratsııalaıdy. Bul sheshim ákimshilik júktemeniń tómendeýine, esep aıyrysýdyń yńǵaılylyǵyna jáne baǵanyń ashyqtyǵyna, jeńildikter men baǵdarlamalarǵa (bonýstar/keshbekter) qol jetkizýge, qyzmet kórsetý sapasyn jaqsartýǵa ákeledi, — dep túsindirdi Serik Jumanǵarın.

Úkimettiń deregi boıynsha, 2023 jyly kóleńkeli ekonomıkanyń jalpy ishki ónimge qatynasy 17,52% bolǵan. ıAǵnı, 2023 jyly JІÓ kólemi 119,8 trln teńge bolsa, kóleńkeli ekonomıkanyń kólemi 20,9 trln teńgege jetken.

Eske salsaq, jyl basynda Almatydaǵy Altyn orda bazary kartopty birden 70 teńgege qymbattatyp jibergeni málim bolǵan edi.