Altyn men kúmistiń baǵasy rekord jańartty
ASTANA. KAZINFORM — Jahandyq baǵaly metaldar naryǵynda baǵalar senimdi ósim kórsetip otyr. Bul qazirgi ekonomıkalyq úrdister men ınvestıtsııalyq kútýdi aıqyn kórsetedi, dep habarlaıdy Kazinform agenttigi saýda derekterine silteme jasap.
Comex bırjasynda 2025 jyldyń jeltoqsan aıyna jetkiziletin altyn fıýchersteri troıa ýntsııasy úshin 4 182 dollar bolyp, barlyq ýaqyttaǵy eń joǵary deńgeıge jetti.
Kúmis baǵasy da ósip, bir troıa ýntsııasy úshin 52 dollardan asyp otyr.
Ótken aptada bırjada altynnyń troı ýntsııasy 4051,80 dollar boldy. Sarapshylar bul qarqyndy ósim ınvestorlardyń ınflıatsııa men qaryzdyń ósýine alańdap, baǵaly metalǵa qarajat quıýymen, al ortalyq bankter aktıvterdi ártaraptandyrý úshin satyp alýymen túsindirdi.
Ótken aptada Comex taýar bırjasynda altyn fıýchersteriniń baǵasy bir ýntsııa úshin 4050 dollardan asty.
Sarapshylardyń túsindirýinshe, mundaı qarqyndy ósimge ınvestorlardyń ınflıatsııa men qaryz deńgeıiniń ósýine alańdaýshylyq bildirip, baǵaly metalǵa aqsha salyp jatqany, al ortalyq bankter aktıvterdi ártaraptandyrý úshin satyp alýy sebep bolyp otyr.