Altyn men kúmis baǵasy jańa rekordtyq deńgeıge jetti

ASTANA.KAZINFORM - AQSh prezıdenti Donald Tramp birneshe eýropalyq elderge 10% saýda tarıfin engizetinin jarııalaǵannan keıin baǵaly metaldar naryǵy kúrt ósti, dep habarlaıdy Kazinform.

Dúısenbi, 19 qańtar kúni tańerteń Azııa qor naryqtarynda saýda aptasy bastalǵan boıda, daǵdarys kezindegi negizgi aktıv altyn 4 690,59 dollarǵa deıin sharyqtady, al kúmis 94,12 dollarǵa jetti. Saýda derekterine sáıkes, bul jańa rekordtyq deńgeıdi kórsetti.

DW málimeti boıynsha, saýda soǵysy bolýy múmkin degen alańdaýshylyqtyń qaıta jandanýynan qor naryqtarynyń kópshiligi quldyraýǵa ushyrady. Japonııanyń Nikkei ındeksi 1,4%-ǵa tómendedi, al MSCI-diń Japonııadan tys Azııa-Tynyq muhıty aktsııalarynyń ındeksi 0,3%-ǵa tómendedi. Dollar ıen men shveıtsarııalyq frankke qatysty tómendedi, al eýro men fýnt sterlıng ósti, al munaı baǵasy ózgerissiz qaldy.

17 qańtarda AQSh prezıdenti Donald Tramp 1 aqpannan bastap EO-nyń alty eline, sondaı-aq Danııanyń quramyna kiretin Arktıka aýmaǵyna qatysty josparlaryna kedergi keltirip otyrǵan Ulybrıtanııa men Norvegııaǵa 10 paıyzdyq tarıf engiziletinin, al 1 maýsymnan bastap 25 paıyzǵa deıin ósetinin jarııalady.

Buǵan deıin altyn baǵasynyń rekordtyq deńgeıge jetýine ne áser etkenin jarııaladyq.