Altyn men kúmis baǵasy rekordtyq deńgeıge jetti
ASTANA. KAZINFORM - Altyn men kúmis daǵdarys pen dollarǵa degen senimsizdik aıasynda rekordtyq deńgeıge deıin qymbattady, dep habarlaıdy BILD.
Tokıodaǵy saýda málimetteri boıynsha, kúmistiń ýntsııasy tarıhta tuńǵysh ret 75 dollarǵa jetti. Altynnyń ýntsııasy 4531 dollar boldy.
Basylymnyń habarlaýynsha, altyn men kúmis baǵasynyń qymbattaýyna naryqtaǵy dúrbeleń sebep bolǵan.
- Ekonomıkalyq belgisizdik pen geosaıası shıelenis ınvestorlardy "tynysh jer" tabýǵa májbúrlep otyr. Mundaı jaǵdaıda ádette altyn men kúmis eń senimdi aktıv sanalady, - delingen habarlamada.
Jyl basynan beri altyn 70 paıyzǵa qymbattasa, kúmis baǵasy 150 paıyzǵa ósken. Baǵanyń osynshalyqty qubylýy naryqta 1970 jyldan beri bolmaǵan. Bul rette kúmistiń daǵdarystan alyp shyǵatyn metall retinde ǵana emes, mańyzdy ónerkásip resýrsy retinde de qymbattap jatqanyn aıta ketý kerek. Sebebi ol jartylaı ótkizgishter men data-ortalyqtarǵa qajet qurylǵylardy shyǵarý úshin qoldanylady. Al bul zattardyń barlyǵy qazirgi tańda erekshe suranys týdyryp otyrǵan jasandy ıntellekti úshin qajet.
Qosymsha qysym, AQSh naryǵynan kelip jatyr. Donald Tramp Aq úıge oralǵan soń jáne onyń Federaldy rezerv júıesimen shekisýinen keıin dollar men amerıkalyq oblıgatsııalarǵa degen senimge selkeý tústi.
Bıyl altynnyń quny 70 paıyzǵa jýyq ósti. Onyń sebebi týraly myna materıaldan oqısyzdar.