Altyn quımalar endi kóne petroglıfter beınelengen dızaında shyǵady

ASTANA. KAZINFORM — QR Ulttyq banki altyn quımalardyń dızaıny ózgergenin habarlady.

Ulttyq Bank affınajdalǵan ólshengen altyn quımalardyń dızaınyn jańartty.

Ne ózgerdi?

Jańa dızaınǵa kóne petroglıfter tujyrymdamasy arqaý boldy. Endi olar tek ınvestıtsııalyq qana emes, sonymen qatar kollektsııalyq qundylyqqa da ıe bola alady.

Qandaı túrleri bar?
Olardyń bes túri usynylady: 5, 10, 20, 50 men 100 gr.

Qaıdan satyp alýǵa bolady?

Halyk Bank, Eýrazııalyq bank, Jusan Bank, TsentrKredıt Banki men jekelegen aıyrbastaý pýnktterinen. 

Qashan satyp alýǵa bolady?
2025 jylǵy II toqsannyń aıaǵynan bastap.

Eske sala keteıik, buǵan deıin Qazaqstannyń Ulttyq banki bazalyq mólsherlemege qatysty sheshim jasaǵanyn jazǵan edik.