Altyn, kúmis, mys, myrysh kenderi bar 39 ýchaske aýktsıonǵa shyǵaryldy

ASTANA. KAZINFORM — Ónerkásip jáne qurylys mınıstrligi paıdaly qatty qazbalardy óndirý jónindegi operatsııalar júrgizý úshin jer qoınaýy ýchaskeleri boıynsha elektrondyq aýktsıon jarııalady.

Elektrondyq aýktsıon 2025 jyly 19 qyrkúıek kúni saǵat 11:00–de e-qazyna.kz memlekettik múlik tiziliminiń veb-portaly arqyly ótkiziledi. Aýktsıonǵa qatysý quqyǵy úshin jarnanyń mólsheri 100 (júz) AEK quraıdy. Qatysý quqyǵy úshin jarnany ótinish berýshi e-qazyna.kz veb-portaldaǵy elektrondyq ámııanǵa engizedi. Kepildik jarnanyń mólsheri qol qoıý bonýsynyń bastapqy mólsheriniń bes eselengen mólsherine teń.

Jalpy aýktsıonǵa 39 jer qoınaýy ýchaskesi shyǵarylyp otyr. Olardan altyn, asbest, marganets, temir, qorǵasyn, myrysh, kúmis, polımetall kenderi, altyn sýlfıdi, nıkel, kobalt, kómir, kvarts, mys, qorǵasyn, barıt, bor, rodıýst-asbest óndiriledi.

Buǵan deıin elimizde kúmis, kómir jáne sırek kezdesetin metaldardyń 50 ken orny boıynsha elektrondyq aýktsıon uıymdastyrylatynyn jazǵan edik.