Altyn kenishindegi apat: Qutqarýshylar oıyqtyń topyraǵyn bekitip jatyr

«Maıqaıyńaltyn» AQ aýmaǵynda izdestirý-qutqarý jumystaryna 132 adam tartyldy. Eski shahta shuńqyrynyń ústinde opyrylyp túsken oıyqtyń shetki topyraǵy áli de úgilip, qutqarýshylar men tehnıkalar úshin qıyndyq týdyryp jatyr. Avtobýs pen onyń ishindegi eki adam áli tabylǵan joq, dep habarlaıdy Kazinform. 

«Oıyq shetteri áli de úgilip jatyr. Qutqarý is-sharalaryna tartylǵan adamdardyń qaýipsizdigi men aýyr ınjenerlik tehnıkanyń jumysy úshin oıyqtyń shetindegi topyraqtardy qaǵyp túsirý jáne tóseý boıynsha daıyndyq jumystary júrgizilip jatyr. Oqıǵa ornyna tótenshe jaǵdaılar mınıstrliginiń jergilikti qurylymdary, Kásibı áskerılendirilgen avarııalyq-qutqarý qyzmetteriniń respýblıkalyq ortalyq shtaby Pavlodar fılıalynyń qyzmetkerleri, jergilikti atqarýshy organdar men «Maıqaıyńaltyn» AQ, polıtsııa jáne jedel járdem bólimshelerinen barlyǵy 132 adam, 29 tehnıka jumyldyryldy. Avtobýs áli tabylǵan joq», - dep málimdedi Pavlodar oblystyq tótenshe jaǵdaılar departamenti.

Maıqaıyń kentiniń ákimi Erbatyr Moldataev habarlaǵandaı, qazirgi ýaqytta kenttiń ózinde 9 myńnan asa halyq turady. «Maıqaıyńaltyn» AQ-da 1012 adam eńbek etedi.

Eske sala keteıik, keshe «Maıqaıyńaltyn» ken ornynda úlken oıyq mańyndaǵy topyraq opyrylyp, 4 adam mingen avtobýs jerdiń astyna túsip ketken bolatyn. 

Keıin oqıǵa ornynan eki adamnyń denesi tabyldy. 

Keshkisin tabylǵandardyń kim ekeni belgili boldy. 

Oqıǵa ornynda ıisshil ıtter jumys istep jatyr. Opyrylǵan jerde áli de topyraq syrǵyp túsip jatyr, opyrylý shekarasy turaqty emes. 

Baıanaýylda ken ornynda kóz jumǵan jáne iz-túzsiz ketkenderdiń otbasyna 4,5 mln teńgeden beriledi. 

Altyn kenishindegi apat: qaza tapqandardy jerleý rásimine 2 mln teńgeden bólindi.

Maıqaıyńdaǵy altyn kenishi týraly ne bilemiz?

Altyn kenishindegi qaıǵyly jaǵdaıǵa baılanysty polıtsııa sotqa deıingi tergeýdi bastady.