Altyn kenishinde qutqarýshylardyń jumysy qaıta jalǵasty

PAVLODAR. KAZINFORM - Shuńqyr túbine shaǵyn ekskavator túsirildi. Avtobýs jatýy yqtımal jerdi qazý jumystary qaıta jalǵasyn tapty. 

«Mamandar oıyqty zerttep boldy. Qazir ekskavator oıyq túbine qaıta túsirilip, ken jynystaryn qaıta ekskavatsııalaý jumystaryn jalǵastyryp jatyr», - dep habarlady óńirlik tótenshe jaǵdaılar departamentinen.

Qutqarýshylardyń sózinshe, oıyq túbindegi tereń shuńqyr úlken tastar men ken jynystarynyń bir orynda úımelenip qalýynan paıda bolǵan. 

Eske sala keteıik, búgin túske taman kenish aýmaǵyndaǵy oıyqta tereń shuńqyr paıda bolyp, qutqarýshylardyń jumysy shuǵyl toqtatylǵanyn habarlaǵan edik.