Altyn-Emelde fototuzaqqa ilbis tústi
ASTANA. KAZINFORM - «Altyn-Emel» memlekettik ulttyq tabıǵı parkiniń aýmaǵynda júrgizilip jatqan ǵylymı-dalalyq zertteý jumystary barysynda fototuzaqtar qar barystaryn birneshe ret tirkedi.
QR Ekologııa mınıstrligi baspasóz qyzmetiniń habarlaýynsha, kadrlarda sırek jyrtqyshtardyń tabıǵı ortada qozǵalyp júrgeni, sondaı-aq sýatqa kelip, sý ishken sátteri beınelengen. Tabıǵatta óte saq ári jasyryn tirshilik etetin qar barysynyń osyndaı kadrlary onyń meken etý aýmaǵy men minez-qulqyn zertteý úshin erekshe qundy.
Qar barysy bıik taýly, jartasty aımaqtarǵa keremet beıimdelgen. Onyń jalpaq tabandary qar ústinde erkin qozǵalýǵa múmkindik berse, uzyn ári qalyń quıryǵy tik betkeılerde qozǵalǵanda jáne sekirgende tepe-teńdikti saqtaýǵa kómektesedi.
-Fototuzaqtar janýarlardy mazalamaı baqylaýǵa jáne olardyń tabıǵı ortadaǵy tirshiligi týraly mańyzdy ǵylymı derekter jınaýǵa múmkindik beredi,-dep jazady QR Ekologııa mınıstrliginiń baspasóz qyzmeti.
Osyǵan deıin Katonqaraǵaı parkinde ilbisterdiń sırek kezdesetin túrleri fototuzaqqa ilingen bolaty.
