«Altyn-Emel» ulttyq parkinde taýeshkiler toby fototuzaqqa tústi
ASTANA. KAZINFORM – «Altyn-Emel» memlekettik ulttyq tabıǵı parkinde ornatylǵan fototuzaq taýeshkiler tobynyń taýly aımaqta erkin qozǵalyp júrgen sátin tirkedi, dep habarlaıdy Ekologııa jáne tabıǵı resýrstar mınıstrligi.
Taýeshkiler negizinen tik jartastar men taý betkeılerin mekendeıdi. Adamǵa júrýge qıyn kórinetin quzdy jerlerde bul janýarlar erkin qozǵala alady.
Mamandardyń málimetinshe, buǵan taýeshkilerdiń myqty aıaqtary men jartastyń kedir-budyryn berik ustaıtyn tuıaqtarynyń qurylysy múmkindik beredi.
– Bıiktik pen tik jartastar olar úshin kedergi emes, kerisinshe tabıǵı ortasynyń bir bóligi. Osyndaı jerlerde taýeshkiler qorek izdep, qaýip tóngen jaǵdaıda quzdy betkeılerge jyldam kóterile alady, – delingen habarlamada.
Bul joly ulttyq park aýmaǵyna ornatylǵan fototuzaq taýeshkilerdiń tabıǵı mekenindegi tirshiliginiń kezekti sátin beınege túsirgen.
Fototuzaqtar jabaıy janýarlardy tabıǵı ortasynda mazalamaı baqylaýǵa jáne olardyń mekendeý aýmaǵyndaǵy qozǵalysyn tirkeýge múmkindik beredi.
Aıta keteıik, Altyn-Emelde fototuzaqqa ilbis tústi.
