«Altyn-Emel» ulttyq parkinde sırek kezdesetin tazqaralar fototuzaqqa ilikti
ASTANA. KAZINFORM — Jetisý oblysyndaǵy «Altyn-Emel» memlekettik ulttyq tabıǵı parkiniń aýmaǵynda ornatylǵan fototuzaq sırek kezdesetin tazqara tobyn tirkedi. Bul biregeı kadrlardy ulttyq park qyzmetkerleri jarııalady.
Ulttyq parktiń málimetinshe, tazqara (Cinereous vulture)— iri jyrtqysh qus, negizinen óleksemen qorektenetin qustar tobyna jatady. Qazaq tilinde «tazqara» ataýy kóbine qumaılar men lashyntárizdilerdiń keıbir ólekseqorekti túrlerine qatysty qoldanylady.
Tazqaralar — qustardyń bir tobyna jatatyn jyrtqysh qustar. Olardy Vulture dep te ataıdy. Qanaty óte úlken bolyp, keıbir túrlerinde 2,5–3 metrge deıin jetedi. Olar óte jaqsy kóredi, sondyqtan ólekseni alystan baıqap taba alady. Basy men moınynda qaýyrsyn az nemese múlde bolmaıdy, bul olarǵa qorektengen kezde taza bolýǵa kómektesedi. Tazqaralar tabıǵatta «sanıtar» rólin atqarady, sebebi olar ólekselerdi jep, aýrýlardyń taralýyn azaıtady.
Aıta keteıik, buǵan deıin Katonqaraǵaı memlekettik ulttyq tabıǵı parkiniń aýmaǵynda úsh kúshigimen (alanymen) júrgen ilbis fototuzaqqa qaıta tirkelgen bolatyn.
