Altyn-Emel ulttyq parki aýmaǵynda ilbis kameraǵa túsip qaldy
ASTANA. KAZINFORM — «Altyn-Emel» memlekettik ulttyq tabıǵı parki aýmaǵynda erekshe oqıǵa tirkeldi, dep habarlaıdy parktiń baspasóz qyzmeti.
Park qyzmetkeri, memlekettik ınspektor Erlan Moldahmetov kezekti aýmaqty baqylaý kezinde ilbisti vıdeoǵa túsirip úlgerdi.
— Bul — sırek kezdesetin ári asa qundy kadrlardyń biri. Іlbis — Qazaqstannyń Qyzyl kitabyna engizilgen jyrtqysh ań, onyń tabıǵı ortada erkin júrip-turýy ekojúıeniń turaqtylyǵy men qorǵalýynyń mańyzdy kórsetkishi sanalady, — delingen habarlamada.
Atalǵan derek ulttyq park aýmaǵynda júrgizilip jatqan tabıǵatty qorǵaý jáne bıologııalyq ártúrlilikti saqtaý jumystarynyń nátıjeliligin aıǵaqtaıdy.
Osydan buryn aqpan aıynda Almaty qoryǵynda kúshikterin ertken ilbis fototuzaqqa túskenin jazǵanbyz.
