Altyn bir aptada qymbattady
ASTANA. KAZINFORM – Qazaqstanda altynnyń baǵasy ósti. Ulttyq banktiń málimetinshe, 8 qazan kúni tańerteń bir gramm metaldyń quny 60 629,16 teńge boldy. Al bir apta buryn ol 59 371,25 teńge bolǵan, ıaǵnı jeti kúnde gramm altyn 1257,91 teńgege qymbattaǵan.
Álemdik naryqta da ahýal jaqsaryp keledi. Dollar álsiregen soń altyn eki aıdaǵy eń tómen deńgeıine deıin túsip ketip edi, endi baǵa qaıta kóterile bastady. Spot naryǵynda bir troı ýntsııasy 0,5%-ǵa ósip, 4132,66 dollarǵa jetti. Bul týraly Reuters basylymy jazdy. AQSh-ta jeltoqsan aıyna arnalǵan fıýcherster de 0,4%-ǵa kóterilip, ýntsııasy 4157,60 dollar boldy.
Baǵanyń ósýine dollardyń qunsyzdanýy áser etti. Ol álsiregende basqa valıýtamen satyp alatyndarǵa altyn arzanyraq kórinedi, sondyqtan suranys artady.
Aıta keteıik, Qytaı altyn qoryn sońǵy úsh jyldaǵy rekordtyq qarqynmen ulǵaıtty.
Sonymen qatar Qyrǵyzstanda altynmen qamtamasyz etilgen steıblkoın jobasy toqtady.
