«Altyn belgige» úmitkerler sany belgili boldy
ASTANA. KAZINFORM – Bıyl 215 myń oqýshy 11-synypty aıaqtaıdy. Bul týraly Úkimet otyrysynda QR Oqý-aǵartý mınıstri Juldyz Súleımenova málim etti.
- 2025 - 2026 oqý jylyn aıaqtaý jáne balalardyń jazǵy demalysyn uıymdastyrý máseleleri Mınıstrliktiń turaqty baqylaýynda. Bıyl elimizde 3 mln 900 myń oqýshy bilim aldy. Onyń ishinde mektep qabyrǵasynda 343 myń oqýshy 9-synypty, 215 myń oqýshy 11-synypty aıaqtaıdy. «Altyn belgige» úmitkerler sany – 13 175 (6%), sondaı-aq «Úzdik attestatqa» úmitkerler sany 11 synypta - 18 555, 9 synypta 31 181 oqýshyny quraıdy, - dedi J.Súleımenova.
Onyń aıtýynsha, oqý jylynda 763 kolledjde 556 myńnan astam stýdent bilim aldy. 168 myń stýdent oqýyn aıaqtaıdy, onyń ishinde jumysshy biliktiligi boıynsha - 50 myń, al dýaldy oqytý boıynsha – 47 400.
- 25 mamyrda barlyq bilim berý uıymdarynda «Zań jáne tártip – halyqtyq Konstıtýtsııa qundylyqtary!» taqyrybynda biryńǵaı tárbıe saǵattary ótkizilip, oqý jyly qorytyndylandy. Tárbıe saǵattarynda adamı kapıtaldy damytý, bilim men ǵylymdy ilgeriletý, ınnovatsııalyq oılaý mádenıetin qalyptastyrý halyqtyq Konstıtýtsııada el damýynyń strategııalyq basymdyǵy retinde aıqyndaldy, - dedi mınıstr.
Aıta keteıik, 25 mamyrda el mektepterinde 2025-2026 oqý jyly aıaqtaldy.
