Altyn baǵasynyń bir troıa ýntsııasy 4,9 myń dollardan asty

ASTANA. KAZINFORM — 2026 jylǵy aqpan aıynda jetkiziletin altyn fıýchersiniń baǵasy Nıý-Iork taýar bırjasynyń (Comex) saýda alańynda tarıhı eń joǵary kórsetkishke jetip, bir troıa ýntsııasy úshin 4,9 myń dollardan asty. Bul týraly saýda alańynyń derekterine silteme jasap, TASS agenttigi habarlady.

Qymbat metaldyń baǵasy bir troıa ýntsııasy úshin 4900,6 dollardy qurady, bul 1,3 paıyzǵa óskenin kórsetedi. Al 20:43-ke qaraı altyn baǵasy ósimin údetip, 4902 dollar deńgeıine jetti (+1,33%).

Sonymen qatar, 2026 jylǵy naýryzda jetkiziletin kúmis fıýchersiniń baǵasy da aıtarlyqtaı ósip, bir troıa ýntsııasy úshin 96,26 dollardy qurady (+3,91%). Osylaısha, kúmis baǵasy da tarıhı maksımýmyn jańartty.

Altyn baǵasynyń rekordtyq deńgeıge jetýine ne áser etkenin myna siltemeden oqyńyz.

Altyn baǵasy Grenlandııadaǵy jaǵdaıǵa baılanysty kúrt ósti.