Altyn baǵasy tarıhta alǵash ret ýntsııasyna 5200 dollardan asty

ASTANA. KAZINFORM – Altyn baǵasy AQSh dollarynyń álsireýi, geosaıası shıelenistiń jalǵasýy jáne ekonomıkalyq belgisizdik jaǵdaıynda jańa rekordtyq deńgeıge jetip, troıa ýntsııasyna 5200 dollardan asty.

Treıderler AQSh Federaldyq qor júıesiniń (FQJ) sársenbi kúni keshke josparlap otyrǵan paıyzdyq mólsherleme boıynsha sheshimine daıyndalyp jatyr. Bul ósimge jańa serpin berýi múmkin.

Baǵaly metall baǵasy osy aıda 20%-ǵa, al bir aptada 5%-dan asa ósti.

2025 jyly altyn baǵasy 64% ósti, buǵan altynǵa senimdi aktıv-baspana retinde suranystyń artýy, AQSh-tyń aqsha-nesıe saıasatynyń jeńildetilýi, ortalyq bankterdiń belsendi satyp alýy (Qytaı jeltoqsanda altyn satyp alý naýqanyn qatarynan on tórt aıǵa uzartty) jáne bırjalyq saýda qorlaryna rekordtyq aǵyndardyń túsýi septigin tıgizgen.

FXS  jazýynsha, altyn baǵasynyń ósýine FQJ-niń aqsha-nesıe saıasaty boıynsha sheshimi mańyzdy serpin berýi múmkin, bul rette paıyzdyq mólsherlemeler ózgerissiz qalady dep boljanyp otyr. Alaıda FQJ tóraǵasy Djerom Paýelldiń eńbek naryǵy jaǵdaıyn baǵalaýy jáne paıyzdyq mólsherlemelerdi ózgertý perspektıvalary týraly tuspaldaýy AQSh dollarynyń dınamıkasyna jáne, tıisinshe, altyn sııaqty kiris ákelmeıtin aktıvter dınamıkasyna aıtarlyqtaı áser etýi múmkin.

AQSh dollary AQSh-taǵy saıası turaqsyzdyq jaǵdaıy aıasynda seısenbi kúni keshke negizgi valıýtalyq básekelesterine qaraǵanda tórt jyldaǵy eń tómen deńgeıge deıin arzandady.

Buǵan deıin altyn men kúmistiń quny rekord jańartýdy jalǵastyryp jatqanyn jazdyq.