Altyn baǵasy tarıhta alǵash ret 5600 dollardan asty

ASTANA. KAZINFORM – Beısenbi, 29 qańtarda Chıkago taýar bırjasynda (CME) altyn fıýcherininiń baǵasy aqpan aıynda ýntsııasyna 5626,8 dollarǵa jetti, dep habarlaıdy Kazinform.

Osy aptanyń basynda altynnyń baǵasy alǵash ret 5 myń dollardan asty. Baǵaly metall quny bir aptada 10%-dan astamǵa ósti. 2025 jyldyń qorytyndylary boıynsha 64%-ǵa ósken baǵa 2026 jyldyń basynan beri 27%-dan astamǵa qymbattady.

Investorlar qarajattaryn qaýipsiz aktıvterge aýdarýyna baılanysty altyn baǵasy ósti.

The Economic Times basylymynyń habarlaýynsha, AQSh-tyń memlekettik qaryz deńgeıiniń ósýi álemdik naryqtarda alańdaýshylyqty kúsheıtti. Saýda belgisizdigi men geosaıası shıelenis te suranysty qoldady. Ortalyq bankter óz rezervterin ártaraptandyrý úshin altyn satyp alýdy jalǵastyryp keledi. AQSh Federaldy qor júıesi paıyzdyq mólsherlemelerdi ózgerissiz qaldyrdy, bul altyn sııaqty kiristi emes aktıvterge qoldaý boldy. Dollardyń álsireýi altyndy sheteldik satyp alýshylar úshin arzandatty.

Buǵan deıin altyn men kúmistiń quny rekord jańartýdy jalǵastyryp jatqanyn jazdyq.

Álemdik naryqta da altyn baǵasy tarıhı rekordtardy jańartyp jatyr. 26 qańtarda troıa ýntsııasynyń quny alǵash ret 5000 dollardan asyp, keıin 5200 dollarǵa deıin jetti.

Qazaqstanda altyn gramynyń baǵasy qandaı – osy materıaldan oqı alasyz.