Altyn baǵasy taǵy da rekord jańartty

ASTANA. KAZINFORM – Comex taýar bırjasynda altyn fıýchersteriniń baǵasy bir ýntsııa úshin 4050 dollardan asty.

Astana ýaqytymen caǵat 10:05-te baǵaly metaldyń troıa ýntsııasy $4 051,80 (+0,36%) deńgeıinde saýdalandy. Saǵat 10:15-te baǵa bir ýntsııa úshin 4 052,70 dollarǵa jetti (+0,38%).

VVS málimetinshe, altynnyń baǵasy 2025 jyldyń basynan beri 50%-dan astam qymbattady, quıma altyn sońǵy eki aıdan az ýaqyt ishinde 20%-dan astam qymbattady.

Sarapshylardyń túsindirýinshe, mundaı qarqyndy ósimge ınvestorlardyń ınflıatsııa men qaryz deńgeıiniń ósýine alańdaýshylyq bildirip, baǵaly metalǵa aqsha salyp jatqany, al ortalyq bankter aktıvterdi ártaraptandyrý úshin satyp alýy sebep bolyp otyr.

Eske salsaq, 6 qazanda altynnyń baǵasy buǵan deıin bolmaǵan joǵary deńgeıge jetti.

Comex taýar bırjasynda altyn fıýchersteriniń baǵasy bir ýntsııa úshin 3 900 dollardan asty.