Altyn alǵym kelip edi, qolany qanaǵat tutpaı turmyn — Nazym Qyzaıbaı

PARIJ. KAZINFORM — Frantsııa astanasy Parıj qalasynda ótip jatqan Olımpıada oıyndarynda áıelder boksynan Nazym Qyzaıbaı jartylaı fınalda qytaılyq boksshydan utylyp, qola júldeger atanǵan edi.

Jekpe-jekten keıin ol altyn medalǵa qol jetkize almaǵanyna ókinip turǵanyn aıtyp, jylap jiberdi.

«Negizgi maqsatym Parıj Olımpıadasynyń altyny bolatyn. Ókinishke qaraı fınalǵa jete almaı qaldym. Daıyndyǵym barlyǵy óte jaqsy bolyp edi. Biraq, qytaı qyzy taktıkalyq jaqtap aldap ketti. Negizi, menen búkil halyq altyn kútti ǵoı. Men sol kútken úmitti aqtaı almadym. Sol jaǵyn oılap, kóńilim bosap tur. Armanym — qazaq qyzdary arasynan shyqqan tuńǵysh olımpıada chempıony ataný edi. Biraq, buıyrǵany qola medal boldy», — dedi Nazym Qyzaıbaı.

Dese de, Olımpıadadan alǵan júldesin kimderge arnaıtynyn da aıtyp ótti.

«Bul Olımpıada júldesin qanshama jyl armandadym. Altyn bolmaǵany degen bolmasa, bul da medal emes pe. Eń bastysy elge júldesiz qaıtpaǵanym qýantady. Júldemdi elime, ata-anama, jankúıerlerime, komandalastaryma arnaımyn», — dedi boksshy.

Aıta keteıik, búgin Nazym Qyzaıbaı el qorjynyna 3 qola júldeni syılady. Ázirge el qorjynynda 1 altyn, 1 kúmis, 3 qola medal bar.