Elimizdiń birqatar óńirinde burshaq jaýady - Qazgıdromet

ASTANA.KAZINFORM – «Qazgıdromet» RMK-sy qyrkúıektiń 2-si kúngi kún raıy boljamyn jarııalady.

Kásporyn taratqan derekterge qaraǵanda, atmosferalyq frontaldy bólikter birtindep Qazaqstannan tys jerlerge aýysady, biraq áli de Soltústik jáne shyǵys aımaqtarǵa áserin saqtaıdy. Al munda naızaǵaı oınap, jaýbyr jaýyp, arty qarǵa aınalýy múmkin, keı óńirlerde burshaq jaýady.

Elimizdiń qalǵan aımaqtarynda kún jaýyn-shashynsyz. Respýblıka boıynsha jel kúsheıip, ońtústik-batysta, ońtústikte shańdy daýyl turyp, eldiń soltústiginde túngi jáne tańerteńgi saǵattarda tuman túsedi.

Túnde Qostanaı, Pavlodar oblystarynyń soltústiginde, Soltústik Qazaqstan, Shyǵys Qazaqstan oblystarynyń shyǵysynda, Qaraǵandy oblysynyń soltústiginde, shyǵysynda, Aqmola oblysynyń batysynda, soltústiginde topyraq betinde 2 gradýs úsik júredi.

Kúndiz Batys Qazaqstan, Aqtóbe oblystarynda 35 gradýs, Atyraý oblysynda 35-37 gradýs, Mańǵystaý oblysynda 38 gradýs, Aqtóbe oblysynyń batysynda 35 gradýs ystyq bolady.

Almaty, Aqtóbe, Ulytaý, Jetisý oblystarynda, Qaraǵandy oblysynyń batysynda, soltústiginde, Aqmola oblysynyń batysynda, ońtústiginde, ortalyǵynda, Batys Qazaqstan oblysynyń soltústiginde, ońtústiginde, shyǵysynda, Atyraý oblysynyń soltústiginde, ortalyǵynda, Qostanaı oblysynyń batysynda, Shyǵys Qazaqstan oblysynyń ońtústiginde joǵary órt qaýpi saqtalady.

Túrkistan, Qyzylorda, Mańǵystaý, Jambyl oblystarynda, Batys Qazaqstan oblysynyń batysynda, Almaty oblysynyń batysynda, soltústiginde, ońtústiginde, Atyraý jáne Jetisý oblystarynyń ońtústiginde, Qostanaı, Qaraǵandy, Aqtóbe jáne Abaı oblystarynyń ońtústiginde, Ulytaý oblysynyń shyǵysynda tótenshe órt qaýpi saqtalady.

Osyǵan deıin Shanhaıda aptap ystyq uzaqtyǵy boıynsha júz jyldyq rekord jańarǵany týraly jazdyq.