Alty qazaqstandyq boksshy U19 Azııa chempıonatynyń 1/4 fınalyna ótti
ASTANA. KAZINFORM — Indonezııanyń Djakarta qalasynda U19 jáne U23 jas sanatynda Azııa chempıonaty jalǵasyp jatyr.
Kezekti jarys kúniniń qorytyndysy boıynsha U19 jas sanatynda alty qazaqstandyq boksshy shırek fınalǵa ótti.
Ádil Asqanbaı (50 kelige deıin), Edige Nurǵoja (55 kelige deıin), Hamza Maqsatuly (75 kelige deıin) 1/8 fınaldaǵy jekpe-jekterinde tehnıkalyq nokaýtpen jeńiske jetti.
Al Dosjan Jumaqan (60 kelige deıin), Aqjúrek Qalabaı (65 kelige deıin), Beıbarys Áshirbaı (70 kelige deıin) óz básekelerinde tóreshilerdiń sheshimimen basym tústi.
Aıta keteıik, shırek fınaldyq jekpe-jekter 9 shildede bastalady.
Aıta ketelik bokstan U19 sanaty boıynsha Azııa chempıonatynda búgin kimder synǵa túsetini týraly jazǵan edik.
