Alty eldiń fýtbol qaýymdastyǵy FIFA basshysy Infantınoǵa qarsy shyqty
ASTANA. KAZINFORM — Norvegııa, Danııa, Fınlıandııa, Islandııa, Shvetsııa jáne Farer araldarynyń fýtbol qaýymdastyqtary Halyqaralyq fýtbol federatsııasynyń (FIFA) prezıdenti Djannı Infantınoǵa degen seniminiń joǵalǵanyn málimdedi. Bul týraly Norvegııa fýtbol qaýymdastyǵynyń saıtynda jarııalandy, dep habarlaıdy Report.
Soltústik Eýropanyń 6 eliniń ókilderi Helsınkıde kezdesip, kelissózder qorytyndysy boıynsha birlesken málimdeme qabyldady. Qujatta olar FIFA basshysyna qarsylyq bildirdi. Sondaı-aq qaýymdastyqtar Eýropalyq fýtbol qaýymdastyqtary odaǵyna (ÝEFA) jáne Eýropanyń ulttyq federatsııalary usynǵan bastamalarǵa qoldaý bildirdi.
Olar FIFA-nyń uıymdy basqarýdy nemese týrnırlerdi ótkizýdi budan bylaı jeke qurylymdarǵa bermeıtinine zańdy kúshi bar kepildik berýdi talap etti.
Málimdemede FIFA-nyń basqarý júıesine jan-jaqty táýelsiz tekserý júrgizý týraly talap ta aıtylǵan. Soltústik Eýropa elderiniń ókilderiniń pikirinshe, uıymnyń basqarý júıesi 2016 jylǵy reformalarda kózdelgen táýelsizdik, ashyqtyq, eseptilik jáne baqylaý ári tepe-teńdik júıesin qamtamasyz ete me, sony anyqtaý qajet.
Alty eldiń bul málimdemesi fýtbol qaýymdastyǵynda FIFA-nyń álem chempıonatyn ótkizý quqyǵyn satý josparlaryna qatysty narazylyq kúsheıgen tusta jasaldy. Keıin Infantıno bul ıdeıadan bas tartty.
Eske salaıyq, Infantınonyń josparyn synaǵan FIFA basshylarynyń biri qyzmetinen ketti.
