Alty el Túrkııaǵa 15 izdeýde júrgen adamdy berdi
ASTANA. KAZINFORM — AZERTADJ agenttiginiń habarlaýynsha, Túrkııanyń ishki ister mınıstri Alı Erlıkaıa jeksenbi, 8 aqpanda elge izdeýde júrgen qylmyskerlerdiń jetkizilgenin málimdedi.
Mınıstr alty eldiń quqyq qorǵaý organdaryna, sondaı-aq Interpol qurylymdaryna qylmyskerlerdi ustaý jáne Túrkııaǵa berý isindegi kómegi úshin alǵys bildirdi.
Alı Erlıkaıa Ankaraǵa jetkizilgen qylmyskerlerdiń tizimin jarııalady.
Olardyń qatarynda Ázerbaıjannan jetkizilgen, qasaqana adam óltirý jáne bir nemese birneshe adamdy jaraqattaý aıyptarymen izdeýde júrgen Túrkııa azamaty da bar.
— Qylmyspen kúreste Túrkııanyń batyl qadamdary óz nátıjesin berip jatyr. Qylmyskerlerge eshqandaı keshirim bolmaıdy, — dep atap ótti mınıstr.
Aıta ketelik Túrkııa halqy 2023 jylǵy 6 aqpandaǵy joıqyn jer silkinisi qurbandaryn eske aldy.