Alty aıda elimizde uıymdasqan qylmystyq toptyń 11 kóshbasshysy ustaldy - ІІM

ASTANA. KAZINFORM – Іshki ister mınıstrligi bıylǵy 6 aıda esirtkimen baılanysty 4 myńǵa jýyq zańbuzýshylyqty tirkedi, dep habarlaıdy Polisia.kz.

Tirkelgen zańbuzýshylyqtardyń 1800-i aýyr jáne asa aýyr qylmystar. Uıymdasqan qylmystyq top qurý jáne basqarý faktileri boıynsha 21 qylmystyq is qozǵaldy, onyń ishinde ekeýi transulttyq sıpatta. 11 kóshbasshy jáne 43 qatysýshy ustaldy. Zańsyz aınalymnan alty tonnadan astam esirtki zattary tárkilendi. Munyń ishinde tárkilengen sıntetıkanyń kólemi eki esege ósip, 570 kg qurady. 103 esirtki zerthanasynyń qyzmeti toqtatyldy. Esirtki zattaryn egýdiń 218 faktisi jáne 63 kontranbanda faktisi anyqtaldy. Jastar arasynda tanymal esirtki saıttaryn buǵattaý úsh esege artty. Olardyń sany 17 myńnan asady. Sonymen qatar kúmándi operatsııalarǵa qatysy bar 24 myń shot buǵattaldy, olarda 2,4 mlrd teńge jınaqtalǵan.

- Esirtki profılaktıkasy erekshe nazarda. 11 myńnan astam esirtkige qarsy is-shara ótkizilip, oǵan bir mıllıon jastar men jasóspirimder qatysty. Esirtki qylmysyna qarsy kúres qoǵamdyq qaýipsizdik pen bolashaq urpaqty qorǵaý maqsatynda kúsheıtilgen tártipte jalǵasatyn bolady, - dedi ІІM esirtki qylmysyna qarsy is-qımyl komıteti tóraǵasynyń orynbasary Qýandyq Áljanov.

Osyǵan deıin Almaty oblysynda bıyl 8 esirtki zerthanasy joıylǵany týraly jazdyq.