Alty adamdy aldap, iri zalal keltirgen qazaqstandyq kúdikti Dýbaıda ustaldy

ASTANA. KAZINFORM – Qazaqstan azamaty Birikken Arab Ámirlikterinen alaıaqtyq jasaǵany úshin Qazaqstanǵa ekstradıtsııalandy, dep habarlaıdy Bas prokýratýranyń baspasóz qyzmeti.

Kúdikti 2022-2023 jyldary Almaty qalasynda Wildberries kompanııasyna ınvestıtsııa salýdy syltaý etip, alty azamattan aqsha alǵan. Sodan soń ýáde etilgen syıaqyny bermeı, olardyń qarajatyn ıemdengen. Bul áreketterden jábirlenýshiler iri materıaldyq zalal shekken.

- Qylmystardy jasaǵannan keıin kúdikti jasyrynǵan jáne eki jyl boıy halyqaralyq izdeýde bolǵan. Bıyl sáýirde ol Birikken Arab Ámirlikteriniń aýmaǵynda ustalyp, Qazaqstan Respýblıkasynyń Bas prokýratýrasy men Іshki ister mınıstrliginiń Interpol qyzmetkerleri, sondaı-aq Qazaqstan Elshiliginiń kómegimen elge jetkizildi, - delingen aqparatta.

Qazirgi ýaqytta kúdikti tergeý ızolıatoryna qamaldy. Aıyptalǵan qylmystary úshin múlki tárkilene otyryp, 3 jyldan 7 jylǵa deıin bas bostandyǵynan aıyrý jazasy kózdelgen.

Aıta keteıik, Shymkentte 200-den asa adamdy aldaǵan qarjy pıramıdasynyń jumysy toqtatyldy.