ALTEL men Tele2 biriktirilmek
ASTANA. QazAqparat - «Qazaqtelekom» AQ jáne Tele2 Group «ALTEL» AQ (ALTEL 4G brendi) men «Mobaıl Telekom-Servıs» JShS (Tele2 brendi) enshiles utqyr operatorlaryn biriktirý týraly kelisimge keldi. Biriktirilgen operator Qazaqstannyń uıaly baılanys naryǵyndaǵy eki kompanııanyń da ustanymyn kúsheıtip, tutynýshylarǵa uıaly qyzmetterdiń jańa múmkindikterin usynady, dep habarlaıdy «Qazaqtelekom» AQ baspasóz qyzmeti.
«Qazaqtelekom» AQ jáne Tele2 Group arasyndaǵy áriptestik qazaqstandyq naryqta úshinshi myqty «oıynshyny» qurýdaǵy taraptardyń strategııalyq múddelerine sáıkes keledi. Operatorlardyń birigýi áleýetti sınergııalar kólemin aıtarlyqtaı arttyrýǵa jáne aldaǵy bolashaqta naryqta kóshbasshy tuǵyrǵa kóterilýge múmkindik beredi. Mámile jasaý sátindegi jańa operatordyń tirkelgen abonenttik bazasy 7 mln. abonentten aspaq, bul naryqtyń 20%-dan astam úlesine sáıkes keledi.
Biriktirilgen operator eki kompanııanyń da bıznesin tıimdi júrgizý, zamanaýı tehnologııalyq jeliler qurý jáne qysqa merzim ishinde respýblıka aýmaǵynda 4G/3G/2G mýltıtehnologııalyq jelisin taratýdy, sol arqyly túpkilikti paıdalanýshylarǵa uıaly baılanys jáne ınternet qyzmetteriniń qoljetimdiligin qamtamasyz etpek.
Osy mámile nátıjesinde «ALTEL» jáne «Tele2 Qazaqstan» abonetterine, sondaı-aq bolashaq paıdalanýshylarǵa jeliniń qamtý aýmaǵyn keńeıtý, 4G/LTE sekildi aldyńǵy qatarly tehnologııalardy paıdalaný jáne kórsetiletin qyzmetter qataryn ulǵaıtý esebinen jańa múmkindikter qoljetimdi bolmaq.
«Qazaqtelekom utqyr bıznestiń aǵymdaǵy aýqymy men básekelestik ustanymdaryn ulǵaıta otyryp, telekommýnıkatsııa naryǵyndaǵy kóshbasshy ustanymdaryn ári qaraı da saqtap qalýǵa nıetti, bul kompanııany uzaq merzimdi damytý strategııasyna sáıkes keledi», - dep atap kórsetti «Qazaqtelekom» AQ basqarma tóraǵasy Qýanyshbek Esekeev.
«Bul mámile bizdiń paıdalanýshylarymyzǵa Alteldiń joǵary qarqynmen ósip otyrǵan 4G jelisine baılanysýǵa múmkindik beredi. Nátıjesinde klıentterimiz ben aktsıonerlerimiz birlesken kompanııadan sınergııa áserine qol jetkizetin bolady», - dedi Tele2 Group Prezıdenti, CEO Elıson Kırkbı málimdedi.
Mámilege sáıkes «Qazaqtelekom» AQ jáne Tele2 aktsıonerlik kapıtaldyń tıisinshe 51% jáne 49% jáne birlesken kompanııanyń daýys beretin aktsııalarynyń 49% jáne 51% ıe bolady. Mámile memlekettik retteý organdarynyń kelisimderin alǵannan keıin aıaqtalatyn bolady.
«Qazaqtelekom» AQ - tirkelgen baılanys, ınternet, uıaly baılanys jáne uıaly ınternettiń qazaqstandyq iri operatory, ınfokommýnıkatsııalyq qyzmetter provaıderi. Tirkelgen baılanys abonentteriniń sany - 3,9 mln adam, ınternet jelisine qatynaý qyzmetteri paıdalanýshylarynyń sany - kompanııalar tobynda 4,4 mln adam (2015 jylǵy 1 qazandaǵy jaǵdaı boıynsha).
«ALTEL» AQ - «Qazaqtelekom» AQ enshiles kompanııasy, Qazaqstandaǵy utqyr baılanystyń jalǵyz ulttyq operatory, abonenttik bazasy -3 mln adamnan asady, Qazaqstan Respýblıkasy aýmaǵynda 4G/3G/2G tehnologııalaryn birmezgilde qoldaýmen konvergentti mýltıtehnologııalyq jelini belsendi túrde engizýde.
«Tele2 Group» - Eýropadaǵy 13,6 mln abonenttik bazasy bar (2014 jyl nátıjeleri boıynsha) iri jáne belsendi túrde ósip otyrǵan telekommýnıkatsııa operatorlarynyń biri. Eýropa men Azııanyń 9 elinde utqyr baılanys, tirkelgen telefonııa, derekter berý, kábildi televıdenıe qyzmetterin jáne kontent-qyzmetterdi kórsetedi.
