Altel kompanııasynyń abonetter sany 3 mıllıonǵa jetti
ASTANA. QazAqparat - 22 qazan kúni Altel kompanııasynyń abonetter sany 3 mıllıonǵa jetti. Kompanııanyń úsh mıllıonynshy abonenti Qaraǵandy oblysynda turatyn jas kásipker eken.
Bul týraly búgin BAQ ókildermen tańǵy asta kezdesken «Altel» AQ-nyń bas kommertsııalyq dırektory Irına Savına málim etti.
«Osy jyldyń mamyr aıynda ǵana kompanııa eki mıllıonshy abonentin tirkegen edi. Búgin mine, búgin abonentterimizdiń sany úsh mıllıon adamǵa jetip otyr. Aldaǵy ýaqytta bizdiń qyzmetti tutynatyn halyqtyń sany bes, alty, tipti odan da kóp adamǵa jetedi, oǵan kúmánderińiz bolmasyn»,-degen kommertsııalyq dırektor kompanııanyń abonetteri kóbine ınternetti qaıda jumsaıtynyn aıtty.
«Qazir Qazaqstanda 18 jastan asqan tutynýshylardyń 58 paıyzy smartfon, 18 paıyzy planshet, 52 paıyzy kompıýter qoldanady. Bul rette, «Altel» kompanııasynyń barlyq tarıfi halyqtyń qaltasy kóteretin qyzmetter ekenin erekshe aıta ketkim keledi. «Altel» qyzmetiniń abonetteri tutynatyn trafık 30 Gegabaıttan asty. Endi, abonent orta eseppen ınternetti qaıda jumsaıtynyna toqtalsaq. Qyrkúıek aıynyń statıstıkasyna súıensek, «Altel» qyzmetin paıdalanýshy bir abonent trafıktiń 55 paıyzyn onlaın rejimde vıdeo kórýge jumsasa, trafıginiń 22 paıyzyn veb-braýzerlerdi qaraýǵa shyǵyndaıdy eken»,-deıdi
I.Savına taǵy bir qyzyqty statıstıkany usyndy. Onyń aıtýynsha, ınternet paıdalanýshylardyń 22 paıyzy teledıdardan góri vıdeony ınternetten kóredi eken. Bul qoldanýshylardyń 70 paıyzdan astamy «Youtube» saıtynyń qyzmetinen kóp tutynatyn kórinedi. «Bul statıstıka óse beredi. Sebebi, Qazaqstanda tehnologııa men «4G» jelisi damyp keledi, ınternettiń qoljetimdiligi artyp keledi»,-deıdi I.Savına.
