«Altaılyq» voleıbolshy qyzdar chempıondyq ataqqa jaqyndap keledi
ASTANA. QazAqparat - Óskemen qalasynda ótip jatqan áıelderdiń ulttyq lıga komandalary arasyndaǵy el birinshiliginiń qorytyndy týrynda jergilikti «Altaı» klýby kezekti oıynynda óziniń basty qarsylasy Pavlodardyń «Irtysh-Kazhrom» komandasyn 3:1 esebimen utty, dep habarlaıdy «QazAqparat» HAA tilshisi.
Janbolat Býrhan jattyqtyratyn, quramynda 38 jastaǵy Inna Matveeva, Oral voleıbolynyń túlegi Sana Anarqulova syndy tájirıbeli oıynshylary, kýbalyq ıÝneska Robles Batıstadaı legıoneri bar óskemendikter alǵashqy eki partııany (25:12, 25:18) asa qınalmaı utty. Esesine, Svetlana Kotova baptaıtyn pavlodarlyqtar úshinshi partııany 25:17 esebimen óz paıdasyna jazdy. Degenmen, tórtinshi partııada óskemendik voleıbolshylar naǵyz sheshýshi sátterde tarazy basyn aýdara bildi (25:22).
Sóıtip «Altaı» 69 upaımen jekedara kósh bastasa, pavlodarlyqtar 66 upaımen ekinshi orynda qaldy. Taldyqorǵannyń «Jetisý» komandasy 58 upaımen úshinshi satyda keledi. 23 naýryz kúni «Altaı» dál osy «Jetisýmen» kezdesedi. Ony jeńse, ekinshi jyl qatarynan el chempıony atanýǵa múmkindigi mol.
Eske sala keteıik, budan buryn erlerdiń ulttyq lıga komandalary arasyndaǵy el birinshiliginde Óskemenniń «Altaıy» ekinshi jyl qatarynan jeńimpaz atanǵan bolatyn.
