Altaıdaǵy qandastarymyz shańǵynyń eń kóne túrinen jarysty
Qytaı aqparat quraldarynyń habarlaýynsha, Altaıǵa Qytaı jáne álemniń jer-jerinen týrıster kelip, jergilikti qazaqtardyń ań terisinen jasalǵan qar shańǵysymen syrǵanaý dástúrine kýá bolyp qaıtady eken. Jergilikti qazaqtar Qytaı tarapynan 2006 jyly «Adamzattyń eń baıyrǵy qar shańǵy mádenıetiniń murageri» dep tanylǵan.
Buǵan basty sebep, taýly Altaıdy mekendegen qandastarymyz ań aýlaýǵa paıdalanatyn ań terisinen jasalǵan qar shańǵysy Qytaı ǵalymdarynyń arheologtarynyń zertteý nátıjesi negizinde 10 myń jyldyq tarıhy bar bolyp shyqty. Al ań terisi qaptalǵan shańǵy Qytaı tarapynan «Qazaq halqynyń materıaldyq emes muralar tizimine» kirgizilgen.
Jergilikti týrızm salasynyń damýy kóne qar shańǵysy mádenıetiniń odan ary jalǵasýyna jaqsy áserin tıgizgen. Jergilikti qazaq jastary bul kúnde kóne dástúrdi jandandyryp, ár jyl saıyn shańǵy jarystaryn uıymdastyryp keledi eken.
