Altaıda qamaýdaǵylarǵa arnalǵan ınternet-dúken ashyldy
ASTANA. Aqpannyń 12-si. QazAqparat - Altaı ólkesinde «Peredachkı.rý» ınternet-dúkeni ashyldy,
dep habarlaıdy QazAqparat ITAR-TASS agenttigine silteme jasap. Ol aımaqtaǵy kolonııalardyń birinde jazasyn ótep jatqan azamattar úshin azyq-túlik ónimderin satyp alýǵa múmkindik beredi.
«Peredachkı.rý» saıtynda azyq-túlikterdiń júzden astam túrleri bar. Sottalǵandarǵa gazdalǵan jáne mıneraldy sý, kondıterlik buıymdar, shaı men kofe, shyryndar, sút, et jáne balyq ónimderi, tez daıarlanatyn taǵamdar berýge bolady. Taǵam túrlerine sonymen qatar, qyzyl ýyldyryq, shokolad, tuzdalǵan semga enedi.
Satyp alǵan zattarǵa bankte nemese poshtada tólem jasaýǵa bolady. Taýarlardy jetkizip berýdi dúken ákimshiligi ózine alady. Jobany Federaldyq qylmystyq atqarý ólkelik basqarmasy qoldady.
